Psa 94 | PONPDN | STEP | MAING Kot, komui saundepuk, leowa Kot saundepuk, kom kotin sansaleda!

Psalms 94

1 MAING Kot, komui saundepuk, leowa Kot saundepuk, kom kotin sansaleda!
2 Kom kotida, komui saunkapung en sappa, kom kotin depuk ong wiawia en me aklapalap akan.
3 MAING Ieowa, arai da me doo sang Kot akan, arai da me doo sang Kot, akan pan poponmasu,
4 O pudupudada lokaia sued o arai da, me sapung kan karos en suauki ar morsued?
5 Re kin tiakedi sapwilim omui aramas akan, o re kame omui soso.
6 Re kin kamela li odi o men wai, o patik takain wor en me sapoupou kan.
7 Re inda: Ieowa sota kak kilan, o Kot en Iakop sota pan asa due.
8 Komail me pweipwei nan pung en aramas akan, en dedeki! O komail lolepn akan, iad me komail pan lolekongala?
9 Me kotin wiada salong, o a sota pan ereki? Me kotin wiadar por en mas o, a sota pan kak masani?
10 Me kin kotin Kaunda wei kan, o sota pan kaloke? Pwe I me kotin kalolekongi aramas.
11 Ieowa kotin mani lamelam en aramas akan, me re aklapalap.
12 Meid pai ol o, me kom kotin kaloke, Maing, Ieowa, o me kom kotin padaki ong sang nan ar masan akan.
13 Pwen kanongama ni a apwal akan, lao sausau en me doo sang Kot akan pan weweida.
14 Pwe Ieowa sota pan kotin kasela sapwilim a araman akan, o a sota pan muei sang a soso.
15 Pwe me pung, pan pungpuneta, i me lelapok kan karos pan weweideki.
16 Is me pan sauasa ia on me morsued akan? O is me pan sauase ia ong me dipan akan?
17 Ma Ieowa sota kotin sauasa ia, metar ekis ngen i pan kolang wasan kapormen.
18 Ni ai indada: Na i pan krisedi, omui kalangan, Maing Ieowa, pan kolekol ia.
19 Ai insensued laud nan mongiong i, a omui kotin kamait ia la kaperenda ngen i.
20 Kom sota man paroki ong mol o, me kin kasapungala sapwilim omui masan.
21 Re kin onop on kamela me pun amen, o re kin kadeikada nta makelekel.
22 A Ieowa ai paip lapalap, o Kot iei paip, me i pan rukila ia.
23 A pan kotin depuk ong ir ar me sued, o a pan kotin kame ir ala, pweki ar katiwo, Ieowa atail Kot pan kame ir ala.